NATIONAL – Nanawagan hi Deputy Minority Leader ngan Basilan Rep. Mujiv Hataman nga magkamay-ada hin congressional an nahitabo nga madugo nga engkwentro ha butnga han militar ngan Moro Islamic Liberation Front (MILF) ha probinsiya han Basilan.
Sumala kan Hataman, ha panahon yana dire na dapat nagkakamay-ada hin madugo nga engkwenro ha butnga han gobyerno ngan MILF.
Nagsalawad hi Hataman hin House Resolution No. 2206kun diin gin manduhan an Kamara nga imbestigaran an Enero 22 encounter ha Barangay Lower Cabengbeng, Sumisip, Basilan nga nag resulta ha pagkamatay ni Private First Class Mark Barat ngan Corporal Orland James Diamel ngan pira pa nga sundalo an nasamaran.
Pagpakiana pa ni Hataman, kay ano nagkakamay-ada pa hin sugad nga mga insidente.
Dugang pa hine, nagkamay-ada na gihapon hin kaparehas nga insidente dida han Nobyembre 2022 ha Barangay Ulitan, Ungkaya Pukan, Basilan nga nag resulta hin damo nga casualties, lima ha parte ha MILF ngan tulo ha militar.
Gintagan-duon naman ni Hataman nga an epekto han mga sugad nga insidente in dire la naghuhuman hin kinabuhi kundi nagkakamay-ada utro hin kahadlok ha mga kumunidad.
Duon pa hine, an gin pirmahan nga Comprehensive Agreement on the Bangsamoro (CAB) dida han 2014, in may panuyo nga malikayan an mga engkwentro ha butnga han pagkakamay-ada hin klaro nga security mechanisms and coordination ha butnga han gobyerno ngan MILF.
Mahitungod hine, gin kwestyon ni Hataman kun epektibo pa ba an nasabi nga mekanismo.
