NATIONAL – Naghaon hin resolusyon hi House Deputy Majority Leader ngan ACT-CIS partylist Rep. Erwin T. Tulfo kaupod an upat pa nga magbabalaod nga nag-aaghat ha Philippine Health Insurance Corp. (PhilHealth) nga ig upod ha ira coverage an pinakamakabag-o nga dialysis machine nga automated peritoneal dialysis (APD) agud mas mapaupay an kalidad han kinabuhi han mga pasyente nga mayda Chronic Kidney Disease (CKD).
An House Resolution No. 1789 in iginsalawad nira Tulfo ngan iya mga kaupod ha ACT-CIS partylist nga hira Reps. Edvic Yap ngan Jocelyn Tulfo; Benguet Rep. Eric Yap ngan Quezon City 2nd District Rep. Ralph Wendel Tulfo.
Ha resolusyon, iginpahayag han mga magbabalaod nga an CKS in usa nga nagtitikadako nga problema han publiko nga hospital ha Pilipinas nga nakakaapekto ha milyon-milyon nga Pilipino ngan dako an epekto hine ha kalidad han ira kinabuhi.
An dialysis treatment, partikular na an hemodialysis ngan peritoneal dialysis (PD), in usa nga importante nga interbensyon para ha mga pasyente nga mayda advanced CKD.
Gintotoohan gihapon nga an peritoneal dialysis in mayda damo nga advantage kumoara ha hemodialysis, sugad han mas magaan ngan mayda freedom ha pag-gios han mga pasyente ngan posible gihapon nga mas magin maupay an ira cardiovascular health.
