NATIONAL NEWS– Dire magreresign hi Solicitor General Menardo Guevarra ha iya posisyon ha kaluyo ha pagbaribad hine nga magin tinaglawas han mga opisyal hiton gobyerno nga ginkwe-kwestyon ha mga petisyon nga ginhaon ha Korte Suprema kasumpay ha pag-aresto kan anay Pangulong Rodrigo Duterte.
Ginpaangbit hiton SolGen nga dire hiya magreresign ngan nagdidig-on nga an posisyon han OSG in usa nga pro-republic.
Sugadman, nanindugan an opisyal nga magsisirbi hiya ha desisyon hiton pangulo.
Manunumduman, una na nga gindig-unan han OSG nga an ICC in waray hurisdiksyon ha Pilipinas matungod nga mayda judicial system an nasud Pilipinas.
Mababaruan, nanindugan gihapon hi Pang. Ferdinand Marcos Jr. nga an nagin pag-aresto kan anay Pang. Duterte in subay ha commitment han nasud ha Interpol.
