Pumahuway na nga dayon ha edad nga 43 hi South Korean actor Lee Sang‑bo sumala ha mga otoridad.
Natad-an an patay nga lawas ni Lee dida han Huwebes mahuman respondehan han mga otoridad an tawag han pamilya hini.
Ha pagkayana, padayon pa nga gin iimbestigaran an hinungdan han kamatayon hini.
Sumala ha management ni Lee nga Korea Management Group, gin beberipika ha hini an kadugangan nga detalye may paghisumpay ha kamatayon hini.
Nagkaada hi Lee hin subra duha ka dekada nga karera ha industriya han telebisyon ngan pelikula ha Korea, kundiin, damo an iya pinapelanan nga supporting roles.
Nagtikang hi Lee dida han tuig 2006 ha KBS2 series nga ”The Invisible Man” ngan gumawas gihapon ini ha iba-iba nga drama ha telebisyon kaupod na an ”Miss Monte‑Cristo” dida han tuig 2021 kun diin nabingwit hini an lead role.
Samtang, dida naman han tuig 2022, temporaryo nga na detain hi Lee mahitungod ha gin aalegar paggamit hini hin diri prescribed nga mga mga medisina pero dayon naman ini nga gin pagawas hin waray kaso mahuman mapamatud-an ha iya medical records nga na inom la ini han iya prescribed medication para ha iya mental health.
Nagpaabot naman hin paki-unong ha pamilya an mga fans ni Lee, kaurupdan ha industriya, ug iba pa nga mga personalidad ha entertainment industry para han sayo hini nga kamatayon.
Ha pagkayana, padayon la gihapon nga ginbubuhat an imbestigasyon ha pan hinabo ug ginlalauman nga maghahatag hin kadugangan nga detalye an mga otoridad ha mga masunod nga adlaw.
