TACLOBAN CITY– Magpapatuman hin bag-o nga funeral benefits an Social Security System SSS Region 8, para ha mga miyembro hine sunod nga tuig 2024.
Sumala kan Dr. Lilibeth Cajucom, Branch Manager han Social Security System Tacloban, nga kun han una in kuridas nga P20,000 an minimum ngada ha P40,000 maximum yana in madepende naman kun pira kabulan o ka-tuig an ginhinulagan han usa nga benepisyaryo.
Para naman ha bag-o ng polisiya, kun an usa nga miyembro in naghulog hin 1-35 monts karuyag sidngon an iya la pwede nga makuha nga funeral benefits in P12,000.00
Ginmalatumat naman han mao nga opisyal, nga kun han una hin P20-40,000 an pwede nga makuha han mga benepisyaryo para han ira funeral benifits yana in maabot na ha P60,000 an maximum nga pwede ma clain han mga benepisyaryo, madepende gihapon ine kun pira kabulan ngan ka-tuig an pag hinulog han usa nga miyembro.
Gintagan naman hin duon han mao nga opisyal, nga an pwede la nga mag-claim han funeral benefits in an asawa han namatay nga miyembro, pananglitan naman mayda iba nga indibidwal nga nagasto han funeral expenses kinahanglan mayda irepresentar nga mga resibo ngan waiver tikang ha asawa han namatay nga miyembro agud nga ma-claim nira an amount nga ira nagasto para ha funeral service.
