TACLOBAN CITY – Naabot na ha Sobra Katunga Milyon nga Shabu an narecover han mga otoridad tikang han sunod-sunod nga buybust operation ha siyudad han Tacloban.
Ha ekslusibo nga pakighimangraw han Bombo Radyo Tacloban kan PSInp Jessica Ortega, tagapagyakan han Tacloban City Police Office (TCPO), nga umabot ha sugad nga kantidad an ira narecover nga iligal nga droga tikang han 5 nga mga Illegal drug peddler nga nadakop sakob la hin Tulo ka adlaw
Dida han Hulyo 3, Tulo nga magkasunod-sunod nga mga nagduduso han Iligal nga droga an nadakop ngan ini in ginkilala nga hira:
1. Christian Basio, 17 anyos, taga Baranggay 66 Paseo De legazpi
2. Mark Calope, 20 anyos, residente han Baranggay 66 Paseo De legazpi
3. Ngan Melanio Ponferrada nga nakuhaan hin naabot 400mil kantidad han Shabu.
Ha Hulyo 4 utro naman nga nadakop hi Ryan Romulo, 41 anyos dati nga BJMP Jail Officer ngan nag-uukoy han Baranggay Holy Child II, Alang-alang, Leyte
Pinakabag-o naman nga nadakop han yana la nga adlaw, hi Celedonio Yu, 53 anyos, ngan residente han Baranggay 167 Gomez Street, Tacloban City nga kun diin nakuha ha iya an 30mil kantidad han Iligal nga droga.
Sumala pa kan PSinsp Jessica Ortega, nga pira pa ha mga nadakop in mga surrenderee han Oplan Tokhang.
