BORONGAN CITY – Ada ha P25,959,051 nga pondo an gin alutaga han TESDA Eastern Samar para han magkaduru-dilain nga scholarship programs ha bug-os nga probinsya.
Ine in sumala kan Technical Education and Skills Development Authority-Eastern Samar Director, Dr. Antonio Waniwan.
An nasabi nga alokasuon in para ha 935 slots o benepisyaryo tikang ha Eastern Samar.
Sumala kan Waniwan, an mga slots han scholarship in ginbarahin ha lima nga panguna nga programa.
Dugang pa hine, ini nga pondo in kaparte han Region 8 allocation ngan naglalaum an ira opisina nga makaka-karawat pa hin dugang nga pondo tikang ha Central Office para han ika-duha nga semestre han tuig.
Han naglabay nga alokasyon, nakakarawat an TESDA Eastern Samar hin P33,281,099 para ha 1,599 nga slots.
Samtang, gintikangan na an implementasyon han P25.9 milyones nga pondo tikang ha Regional Office 8 para ha 935 slots, ngan yana in naghuhulat an TESDA Eastern Samar hin kadugangan pa nga alokasyon para ha masunod nga parte han tuig.
Lakíp naman ha mga kurso nga sakop han scholarship allocation in amu an driving, bread and pastry production, dressmaking, carpentry, cookery, bartending, ngan iba pa nga registered programs. (via Bombo Shiela Encio)
