HEALTH NEWS – An siklo in an kondisyon nga pwedi maexperyensiyahan kun an diaphragm in makakaexperyensiya hin muscle spasm.
An diaphragm in makikita ha butnga han duha nga lukab ha dughan o an chest cavity ngan an lukab ha tiyan kun an abdominal cavity.
Matungod hine in naapektuhan an paghinga ngan nagdudurot hin siklo pero kusa naman ine nga nawawara.
Pangunahon nga hinungdan han siklo o spasm han diaphragm in an pagiging busog han tiyan. Pwedi ine kabusog ha pagkaon, tubig o ha hangin. An pagkaon o paginom hin matugnaw o mapaso in pwedi gihapon nga magdurot hin spasm ha diaphram. Labot la hine an stress o sobra nga kaexcited in pwedi gihapon maging hinungdan hin siklo.
An siklo in kaurugan nawawara nala ngan dire na kinahanglan hin pagtambal, bagaman mayda daw pira nga pwedi buhaton nga makakabubulig ha pagpaundang han siklo ,pira ha mga ine in an mga masunod:
Una in pagpugong han paghinga ha sakob hin 10 kasegundos
Pwedi gihapon an sunod-sunod nga pag-inom hin matugnaw nga tubig.
Makakabulig daw gihapon an pagtumar hin usa kakutsarita nga asukar o honey.
Para naman ha siklo nga nag-iiha, nakadepende an tambal ha kun ano nga sakit an naeexperyensiyahan,danay in nakakabulig an pagtheraphy hin pagtusok hin dagom o acupuncture.
