NATIONAL – Umabot na ha 94,228 katawo an apektado han padayon nga pag-aalburuto han Bulkan Kanlaon ha Negros Island, subay ha Department of Social Welfare and Development (DSWD).
Basar manggud ha Disaster Response Operations Monitoring and Information Center (DROMIC) han DSWD, 5,940 indibidwal an ada ha evacuation centers, samtang 10,621 naman an temporaryo nga nakikiukoy ha iba nga lugar.
Naruba na gihapon an 5,031 nga kabalayan durot han volcanic activity.
Sugadman, nanhatag na an DSWD hin P192.7 million nga kantidad hin bulig ha mga apektado nga pamilya.
Subay naman ha report han Philippine Institute of Volcanology and Seismology (Phivolcs), nakaghipatik hira hin 10 volcanic earthquakes ha palibot han Kanlaon ngan nagbuga ine hin 1,590 tonelada hin sulfur dioxide dida han Sabado, Hulyo 5, kun diin umabot kutob 650 meter an kahitaas han iginbuga nga asupre.
Nagpapabilin naman ha Alert Level 3 an bulkan, karuyag suidngon mayda magmatic unrest ngan posibilidad han pag buto.
