TACLOBAN CITY – Nagpapabilin la gihapon ha mga evacuation centers an masobra 900 nga mga pamilya nga nadarahigan han bagyong Odette ha bungto han Southern, Leyte.
Sumala kan Alfonso Espina, Provincial Staff Social Welfare and Development S. Leyte, an mao nga mga pamilya in nag uukoy la gihapon ha mga tent samtang an iba naman in nakikiukoy ha ira mga paryente mahuman nga magkaguguba an ira mga panimalay.
Dugang pa hini nga nakakarawat na an mga biktima hin financial assistance para han paghingayad han ira mga naguba nga pabalay pero ini in kulang la gihapon.
Ha pagkayana in padayon nga nakikipagsumpayan an probinsya han Southern Leyte ha magkalain lain nga ahensya ngan organisasyon agud nga matagan hin housing project an mga biktima han naglabay nga bagyong Odette.
