BATO, LEYTE – Ada ha 83 nga residential houses ngan lima nga commercial building an naapektaran han sunog ha Brgy Iniguihan, Bato, Leyte dida han Nobyembre 9.
Sumala kan Bato Municipal Fire Station Fire Marshal, SFO4 Paul Morata, ada ha sobra 100 ka-pamilya an naapektaran han nasabi nga sunog.
Himo ha light materials an mga panimalay rason nga madagmit nga naugbaw ha sunog an mga kabablayan.
Umabot naman ha P2.2 milyon an kabug-usan nga danyos nga ginbayaan han nasabi nga sunog.
Temporaryo naman nga nag-uukoy ha evacuation center an mga nasunugan ngan nagpaabot na gihapon hin bulig an Municipal Social Welfare Office han nasabi nga bungto.
Gin isa an sunog ha 3rd alarm sanglit nagresponde gihapon an mga kahigrani hine nga bungto ngan syudad, sugadman in waray naman may nahipatik nga nasamaran o namatay.
Samtang, padayon pa naman an ginbubuhat nga imbestigasyon kasumpay han tinikangan han sunog.
