-- Advertisements --
NATIONAL – Nahipatik han Department of Health-Eastern Visayas Center for Health Development an dako nga paghitaas han kaso han dengue ha rehiyon.
Basar ha pinakaurhi nga datos, maabot na ha kabug-usan nga 7,145 nga kaso han dengue an nahipatik han ahensya ha nasabi nga lugar tikang han Enero kutob Agosto 10, 2024.
Tikang ha nasabi nga ihap, 18 na an nahipatik nga namatay.
Subay ha ahensya, mas hitaas ine hin 187% kumpara ha 2,487 nga kaso ngan walo nga namatay nga nahipatik ha parehas nga panahon dida han nakalabay nga tuig.
An probinsya han Leyte an nakaghipatik han pinakahitaas nga ihap han mga kaso nga mayda 2,315–32% ha kabug-usan.
Kadam-an han mga apektado nga indibidwal in mga kalalakin-an nga mayda nga 1 ngada ha 10-anyos.
