TACLOBAN CITY – Ada ha sobra 600 nga mga istudyante han San Miguel nga naiskuyla ha mga pribado ngan pampubliko nga iskuylahan an benepisyaryo han scholarship program nga Tulong Dunong Program, Tertiary Education Subsidy ngan SMART ha ilarom han CHED.
Sumala kan Atty. Norman Sabdao, Municipal Mayor hiton San Miguel, Leyte, nahimo an nasabi nga bulig pinaagi han pag-endorso han Tingog Partylist ngan ni Speaker Martin Romualdez ha CHED.
Ada ha 387 an mga benepisyaryo han Tulong Dunong Program (TDP), 187 an ha Tertiary Education Subsidy (TES), ngan 57 naman an benepisyaryo han Student Monetary Assistance for Recovery and Transition (SMART).
Nakakakarawat naman an mga benepisyaryo han TDP hin P15,000 kada tuig.
Dako naman daw ine nga bulig ha socio-economic status hiton nasabi nga bungto mahitungod nga an nasabi nga mga scholarship in kutob ha kahuman hiton pag-iskuyla han usa nga istudyante.
