NATIONAL – Posible nga umabot ha sobra katunga hin milyon an ihap han mga kandidato nga magsasalwad han ira kandidatura para ha May 2025 Midterm Elections.
Sumala kan COMELEC chairman George Garcia, gin aandaman na han komisyon an nakatalaan nga pagsasalawad han Certificate of Candidacy kun diin dire la sobra katunga hin milyon an posible nga mabisita ha mga opisina han komisyon kundi magin an mga suporter han mga kandidato.
Ha 2025 electios, maabot ha kabug-usan nga 18,279 positions an pupun-an: 12 hine in para ha mga Senador, 254 district representatives, ngan 63 partylist representative.
Mayda gihapon 82 nga probinsya an manginginahanglan hin Gobernador ngan Bise-Gobernador, ngan 800 para ha mga provincial board member.
Ha City level, 149 nga syudad an manginginahanglan hin mga Mayor ngan Vice-Mayor samtang 1,682 city council position gihapon an pupun-an.
Para ha Municipal level in maabot naman ha 1,493 nga bungto an magkikinahanglan hin alkalde ngan bise-alkalde, ngan kabug-usan nga 11,948 municipal councilor.
Magtitikang ha filing han COC tikang ha Oktubre 1 kutob OKtubre 8.
