-- Advertisements --
NATIONAL – Ginbabana-bana nga maabot ha 380,000 ektarya han mga humayan an maapektaran sa pandistroso han bagyong Enteng ha Pilipinas.
Basar ha panginano han Philippine Rice Information System, posible nga umabot ha kabug-usan nga 384,889 ektarya han mga humayan an maapektaran han makusog nga mga pag-uran ngan haluag nga babaha.
Basar naman ha presente nga datos han Department of Agriculture (DA), mayda kabug-usan nga 92,331 ektarya han humayan an ada na ha reproductive stage.
Naabot naman ha 292,557 ektarya an mga humayan an ada na ripening stage o harani na ma-harvest ngan matagamtaman.
Samtang, umabot naman na ha 514,721 ektarya han mga humayan an na-harvest na han mga parag-uma ugsa paman an pagsulod han bagyong Enteng ha nasud.
