NATIONAL – Maabot ha sobra 380,000 nga indibidwal o kaparehas han sobra 77,000 an apektado han Severe Tropical Storm Kristine ha Bicol Region, Western Visayas, Eastern Visayas, ngan Zamboanga Peninsula.
Ine an ginkumpirma han National Disaster Risk Reduction and Management Council.
Basar ha datos han ahensya, tikang ha natudlok nga apektado nga populasyon in maabot ha sobra 12,000 nga indibidwal o kaparehas han sobra 3,000 nga pamilya an nagpapabilin ha mga evacuation areas.
Subay ha ahensya, labot pa hine in nagpapabilin naman an sobra 300 nga indibidwal nga kaparehas han sobra 90 nga pamilya ha pira nga lugar mahitungod ha epekto han nasabi nga maraot nga panahon.
Padayon naman an gindudumara nga rescue operation han mga concerned agencies labi ha mga ginbabaha nga lugar.
Padayon na gihapon an panhatag han gobyerno han mga kaangayan nga bulig ha mga apektado nga residente.
