INTERNATIONAL–Sobra 200 katawo an naawat hin kinabuhi mahuman han usa nga landslide ha usa nga minahan ha Rubaya, sinirangan nga aprte han Democratic Republic of Congo, sumala ha rebel authorities ha rehiyon.
Sumala kan Lumumba Kambere Muyisa, spokesperson han rebel governor han North Kivu, nahitabo ini han Miyerkules mahitungod ha grabe nga pag-uran.
Kalakip ha mga namatay in mga kababayihan, bata ngan artisanal miners nga nagmimina hin coltan, usa nga mineral nga gingagamit ha paghimo hin mga elektroniko nga aparato sugad hiton smartphones ngan computers.
Samtang, 20 ka survivors an nahipatik ha pagkayana, nga gintatambal ha ospital.
Ginmalatuamt naman han usa nga nay supervisor han minahan nga dire maupay an pag-atiman han site, nga nagpadagmit ha aksidente ngan nagpakuri ha rescue efforts.
Bumisita naman hi Governor Erasto Musanga, nga gintudlok an M23 rebels, an mga survivors han Biyernes. Presente nga kontrolado han M23 an Rubaya ngan pira nga parte ha North Kivu, ngan sumala ha international observers, ginbubuligan hira han Rwanda.
Mababaruan nga tikang han 2024, kontrolado han M23 rebels an mga minahan ngan ginakusar hira han United Nations hin pag-impose hin buhis ha pagmimina para ha ira kalugaringon nga benepisyo.
Image Courtesy | dw.africa
