NATIONAL NEWS– Ginbuyagyag ni Department of Agriculture (DA) Sec. Francisco Laurel Jr. an pagkakadabi han sobra 20 nga pribado nga kompaniya ha mga serye han smuggling ha Pilipinas.
An nasabi nga kumpaniya in natudlok pinaagi han mahugot nga kolaborasyon ha butnga han DA, Bureau of Customs (BOC), ngan Philippine National Police (PNP).
An mga ine in syahan nga natudlok ha mga serye han operasyon ha magkalain-lain nga parte han nasud.
Ha pagkayana, 6 ha ira in napasakahan na hin kaso.
Gindig-unan han kalihim, nga dire madagmit an pagsasalawad hin kaso kontra ha mga dagko nga kompaniya, labi na nga nalilimitaran la an DA ha food safety issues.
Nakikipag-kolaborasyon na gihapon ine ha BOC para ha paghahaon hin kadugangan nga kaso sugad han smuggling nga usa ha mga papel han opisina.
