NATIONAL – Nakaghipatik an Pilipinas hin 155,918 nga kaso han dengue tikang Enero 4 kutob Setyembre 16, nga 34 porsyento nga mas hamubo kumpara ha 231,850 nga kaso ha kaparehas nga panahon dida han 2025, sumala ha pinaka-urhi nga datos han Department of Health.
Sumala ha DOH, nga pinakadamo nga kaso nga ira nahipaitk in ha Region III o Central Luzon, Region IV-A CALABARZON, ngan National Capital Region.
Nahipatik gihapon nga an median age han mga pasyente nga may dengue in 13 anyos kun diin, gin-aaghat han DOH an mga komunidad nga pahugton an ira paglikay ngan pagkontrol ha mga lamok nga posible may dara nga dengue.
Ginpahimatngunan naman han ahensya an mga kag-anak nga dayon dad-on ha pinaka-harani nga health facility an ira mga anak kun nakakaabat hin sintomas sugad han hataas nga haranat, sakit han ulo, panul-ul han kalawasa, pagsusuka ngan pagkakamayda hin rashes.
