Umabot na ha sobra 1,300 nga kapulisan an natanggal ha serbisyo mahitungod ha magkadiru-dilain nga kaso.
Subay ha Philippine National Police (PNP), resulta ini han ira kampanya nga limpyuhon an ira han-ay tikang ha mga membro hini nga nakakahimo hin mga krimen ngan iba-iba nga pagsayop.
Subay ha PNP, naresolba na gihapon an yinukot-yukot nga administrative cases tikang han Agosto 26, 2025 kutob Hulyo 15, 2026.
Sobra 2,000 nga kapulisan gihapon an nasuspendi samtang 237 naman an na-demote hin ranggo, samtang an iba naman gin patumanan hin forfeiture of salary ngan opisyal nga na-repremand.
Ha kabug-usan maabot ha 4,534 na nga kapulisan an napahamtangan hin administrative penalties mahuman maresolba an 3,903 administrative cases.
Gin sigurado gihapon han pulisya nga padayon an pagbabantay hini ha kalugaringon membro agud masigurado nga malimpyo an bug-os nga han-ay han PNP tikang ha anuman nga klase hin korapsyon nga posible binuhatan han mga membro hini.
