TACLOBAN CITY – Apektado an sobra 100,000 nga mga pamilya ha rehiyon 8, mahitungod han mga pag uuran ngan pagbaha nga durot han Low Pressure Area (LPA) ngan Shear Line ha rehiyon.
Sumala kan Sher Rysiah Saises, Information Officer han Office of the Civil Defense Regional Office 8, 195,000 nga pamilya o kun sobra 700,000 nga mga indibidwal ngan 1,035 nga mga barangay an naapektaran han mga pag-uuran nga durot han LPA.
Apektado gihapon an mga kabablayan ha bug-os nga rehiyon kun diin nakaghipatik ine hin mga partially ngan totally damage nga mga kabablayan. Kadam-an naman han mga nagkaguguba nga mga balay in nahipatik ha Eastern Samar, Samar, ngan Biliran.
Manunumduman nga umabat hin makusog nga uuran ngan mga pagbahan an mga nasabi nga probinsya kaupod na an Leyte dida han mga nakalabay nga adlaw mahitungod han Low Pressure Area (LPA) ngan Shear Line.
