TACLOBAN CITY – Pira nga mga Muslim nga bumakwit ha Tacloban an bumalik na ha Marawi City agud nga makabotos ha nakatalaan nga Barangay ngan Sangguniang Kabataan elections mahuman ini nga igkansela ini mahitungod han danyos nga naidurot han nanabo nga asdangay ha butnga han mga militar ngan Maute-ISIS terror group.
Samtang, sobra naman ha 1000 Muslim community ha syudad han Tacloban an nagkaurusa naman kakulop nga adlaw para han ira selebrasyon han Eid al-Adha.
Sumala kan Imam Majid Mauyag, ginpili han ira pamilya nga diri na bumalik ha Marawi ngan dinhi nala umukoy mahitungod nga mas mahimyang ngan talwas para ha ira pamilya.
Kakulop nga adlaw naman usa ha pinakaimportante aktibidad nga ira ginbuhat kasumpay ha selebrasyon han Eid al-Adha amo an pag-aampo.
