ODD NEWS- Ginkumpiskar han mga Spanish police an sobra 1,000 kabug-os nga mga taxidermy animals o mga prineserba nga patay nga lawas han mga hayop.
Subay ha mga awtoridad, nagkakantidad an koleksyon hin $32 million. Kadam-an ha mga ine in specimen han mga endangered animals ngan an iba dinhe in totally extinct animals o mga hayop nga dire na nabibilngan ha iba nga mga lugar.
Nahitabo an mao nga raid ha usa nga warehouse ha Betera Eastern Spain.
Nagbaga-baga hin museo ngan zoo an 50,000 square meter warehouse matungod ha kadamo han mga mga preserved animals nga umabot an ihap ha 1,090.
Mababaruan nga pira ha mga ine in elepante, white rhino, cheetah, leopard, lion, crocodile, tiger, polar bear ngan scimitar orix, ngan usa nga hayop nga gindeklara nga “extinct in the wild” han tuig 2000.
Labot la dinhe, may nabelngan gihapon an mga ine hin 198 kabug-os nga mga elephant tusk, pira nga mga lingkuran nga himo ha tiil han mga elepante ngan sugadman panit hiton buwaya.
Nahibaruan han mga autoridad nga gintatag-iyahan ine han private collection usa nga prominente nga businessman tikang ha Valencia, Spain, ngan subay hine nakuha niya an mao nga collection matungod nga ginpamana ine ha iya han iya tatay.
Hapagkayana, gin-iimbestigaran pa han mga otoridad kun may natalapas nga environmental crimes ngan smuggling an mao nga businessman.
