NATIONAL NEWS- Gin-anunsyo han Civil Service Commission (CSC) nga pwede na matagan hin civil service eligibility an mga natudlo nga Sangguniang Kabataan Officials (SKO) nga nakaghuman hin 3 katuig nga termino ngan may maupay nga rekord ha serbisyo.
Subay ha CSC Resolution No. 2500752, an Sangguniang Kabataan Official Eligibility (SKOE) in pwede nga gamiton para ha first-level positions ha gobyerno, labot la ha mga trabaho nga nagkikinahanglan hin board exam espesyal nga kwalipikasyon.
Sumala kan CSC Chairperson Atty. Marilyn Yap, ginkikilala an nasabi nga eligibility an ambag han mga kabataan ha nasud ngan tagan an mga ine hin higayon nga igpadayon an ira serbisyo ha gobyerno.
Sakop han SKOE an mga SK officials nga nagserbisyo ha ilarom han Sangguniang Kabataan Reform Act of 2015, kalakip an mga nagserbi han 2018 -2022.
Ginklaro han CSC nga an mga SK chairperson in sakop han Barangay Official Eligibility (BOE) ngan dire han SKOE.
Ha pagkayana, nagtikang na nga kumarawat hin aplikasyon para ha SKOE ngan pwede ine igsumiter ha CSC Regional o Field Office kun diin nagserbisyo an mga ngan nag-uukoy an mga aplikante.
