TACLOBAN CITY – Samaran an usa nga SK Chairman mahuman ine nga pagbun-on ha Brgy. 10 Lawaan Eastern, Samar.
Sumala kan PLt. Ericson Balbaboco, OIC-Chief of Police han Lawaan Municipal Police Station, nag-saway la an biktima ha usa nga hubog na nga lalaki nga kumursunada pagbuno ha usa nga magkirita han event han bun-on ine gamit an bu-ong nga botelya hin irimnon.
Ginkilala an biktima kan Renolex Enciso, 25 anyos an pangidaron, residente ngan SK Chairman han Brgy. 10 Lawaan Eastern Samar. Samtang an suspek naman in ginkilala kan Ramil Escalo, 30-anyos an pangidaron, laborer, ngan residente han mao nga barangay, sugad man an ginkukursunada pagbun-a nga hi Angelo Molopio, 24 anyos an pangidaron, ngan residente han mao nga barangay.
Basar han inisyal nga imbestigasyon han kapulisan, dire daw hi Enciso an karuyag bun-on han suspek pero kay mahitungod nga nangalas daw ine nga ginsaway hiya in amu nala an ginbuno han suspek.
Dayun naman nga gindara ha harani nga ospital an biktima para matagan han dayon nga medikasyon.
Gindara naman ha Lawaan Municipal Police Station an suspek para han kaangayan nga proseso.
