TACLOBAN CITY – Iginpailarom ha hard border lockdown an siyudad han Borongan ha Eastern Samar.
Sumala kan Mayor Jose Ivan Agda, ini in mahuman nga may duwa nga nahipatik nga panibago nga positive cases ha ira lugar kun diin an usa ha mga ini in medical worker nga nagtratrabaho ha DOH.
Dugang pa hini nga nagpalusad hiya hin executive order nga igpailarom ha hard lockdown an ira mga borders agud nga waray la anay may makasulod ha ira siyudad ngan matagan hin iwag an pagdumara hin contact tracing.
Labot la ha pagstrikto ha mga borders may pira nga mga zones gihapon nga iginpailarom ha ganular containment strategy.
Ha pagkayana in ada na ha 57 nga mga indibidwal an naitala nga naka close contact han mga nagpositive ngan an mga ini in nakapailarom na ha quarantine period.
