NATIONAL NEWS– Gintikangan na an pagbug-os han Special Investigation Task Group o SITG Martizano para ha mas halarom nga imbestigasyon kasumpay ha pan-aambush kan Mayor Ronito Martizano han Barobo, Surigao del Sur.
Ginpahayag ni Surigao del Sur Police Provincial Office Director PCol Lawrence Jeffrey Mauricio nga andam na hira nga magpasaka hin kaso kontra ha mga natudlok nga persons of interest nga nakit-an han mga witness ha nasabi nga krimen nga natabo ha Brgy Dughanon.
Ginhuhulat nala han ma ine an time availability han mayor labi na tikang pala ine ha operasyon ngan ada na ha talwas nga kabutang samtang adto naman ha ospital an iya closed-in bodyguard nga naigo ha braso.
Usa ha mga ginkikita nga anggulo nga gintututukan han mga polisya an pagpapasara hine ha ilegal nga large-scale mining operation ha Brgy Tambis.
