TACLOBAN CITY — Pormal nga gintikangang kakulop nga adlaw an pagseleblar han ‘National Flag Day’ tikang Mayo 28 ngada Hunyo 12.
Kaparte hini nakiusa naman an mga taga taga sinirangang bisayas ha mao nga pagseleblar pinaagi han pagbubutang hin bandera han Pilipinas ha ira mga panimalay o establishemento para igpakita an pagiging makabayan.
Ini in pagkondena na gihap han mga Pilipino ha ginbuhat nga pagpapakalat ngan pag wagayway han Maute group han bandera han ISIS ha sentro han Marawi para igpakita nga nasakop na nira an pira nga parte han mao nga siyudad.
Manunumduman nga nauna na nga igin mandu ni anay Pres. Fidel Ramos an pagbubutang han bandera ha mga pampubliko ngan pribado nga establishemento nga ginsundan naman han pormal nga pagtalaan ha Mayo 28 kumo National Flag Day pinaagi han Proclamation No. 374 ni anay Pres. Diosdado Macapagal.
