TACLOBAN CITY – Maupay nga sumat ha publiko kay nagpapadayon ngan nagpapabilin nga red tide-free hin sobra usa na kabulan an bug-os nga rehiyon han Sinirangan Bisayas
Ine in sumala kan Bureau of Fisheries and Aquatic Resources Eastern Visayas Information Officer, Christine Gresola.
Karuyag sidngon, waray bisan anu nga senyales hin toxin o negatibo ha red tide toxin an mga meat samples ngan seawater samples nga ginkuha han BFAR ha mga kadagatan ha rehiyon.
Sanglit, mae-enjoy han publiko an pagkaon han ngatanan nga klase hin pangti-on ngan an gintatawag nga acetes sp. ‘alamang o ‘hipon.’
Ha kaluyo hine in nagpahimatngon naman an nasabi nga opisyal nga kumaon la hin sakto nga kadamo han mga pangti-on mahitungod nga dire daw gihapon ine maupay ha lawas kun nasosobrahan an pagkunsumo.
Sugadman, hugasan la gihapon hin maupay an mga ginkakaon nga laman-dagat bisan paman kun red tide-free agud makalikay ha sakit.