TACLOBAN CITY – Suportado daw han Singbahan Katoliko an anuman nga plano nga igpapatuman han gobyerno yana nga tidaraon nga pagsalin-urog han Undas 2020.
Sumala kan Fr. Ian Brylle Callera, tagapagyakan ngan Assistant Parish Priest han Sto. Church Tacloban, magsusunod hira igpapatuman nga balaud o aludayday han mga hintutuinan pananglitan nga igpasara an mga sementeryo yana na maabot nga Todos Los Santos.
Dugang pa hini, nga parehos han gobyerno, an katalwasan gihapon han publiko an ira ginhihimo nga prayoridad labi na yana nga panahon nga nagpapadayon pa an ayat ngan hulga nga durot han COVID-19 pandemic.
Naglalaum naman ini nga mayda ighahatag nga konsiderasyon an gobyerno ha singbahan ha pagbubuhaton nga mga aktibidad yana nga Undas bisan kun igpasara an mga sementeryo.
