ODD – Posible magin susi ha pag-ato ha cancer an anay ginkakahadlukan nga “Pharaoh’s Curse” mahitungod ha usa nga grupo han siyentipiko tikang ha University of Pennsylvania an nakadiskubre nga an Aspergillus flavus, usa nga klase han fungus nga matatad-an ha lulubngan han Egyptian pharaoah nga hi Tutankhamun in may kapasidad nga pumatay hin cancer cells, labi na ha mga may leukemia.
Dida han 1920s, nagsarang an notisya kasumpay ha “pharaoh’s curse” mahuman magkasakit ngan mamatay an pira nga miyembro han group of achaeologists nga ginpangunahan ni Howard Carter mahuman nira abrihan an lulubngan ni Tutankhamun.
Sugad nga insidente gihapon an natabo ha Poland dida han 1970s, kun diin haros tanan han sumulod ha usa nga nasabi nga tomb in namatay. Nasabtan nga an rason han mga ini in an fungus nga Aspergillus flavus nga posible magdara hin grabe nga sakit ha baga.
Ha pagkayana, imbes nga kahadlukan, gin-adman han mga siyentipiko an mao nga fungus mahitungod nga nakita nira nga akos ini pumatay hin mga leukemia cells. Sumala ha mga eksperto, dako an potensiyal hini nga magin basaran han bag-o nga klase han tambal.
