ODD NEWS – Usa nga simbahan an korte hin sapatos ngan himo ha salamin an igintindog ha usa nga syudad han Taiwan agud nga maaghat an mga kababayen-an nga manimba.
An simbahan nga korte hin sapatos in mayda hitaas nga takong, ine in mabibilngan ha syudad han Budai nga aada ha sinirangan nga parte han isla ha Taiwan.
Mababaruan nga umabot hin duha ka bulan an nagin kontraksyon han kakaiba nga simbahan nga maabot ha 55 ft. kahitaas ngan 36 talampakan an kahilapad.
Nagbaga-baga gehapon ine hin sapatos ni Cinderella matungod nga gumamit hira hin 322 kabug-os nga kolor blue nga salamin .
Labot la ha pagigin korte nga sapatos han mao nga singbahan in may kaunan gehapon hin cake ngan iba pa nga magtam-is nga pagkaon.
Mayda gehapon usa nga lugar han mao nga singbahan in pwede naman mag pa picture an mga kababayen-an nga baga-baga hira in iginkasal.
Sumala kan Zheng Rongfeng nga an tanan in iya gin tuyo paghimo agud nga maengganyo an mga kababayen-an nga sumimba .
Hapagkayana in dire pa klarado kun anu nga relihiyon an nagpatindog han mao nga singbahan.
