TACLOBAN CITY—Nagpapadayon an pagpili hiton masunod nga Santo Papa nga magigin lider han Simbahang Katolika.
Una hine pormal nga nagtikang ka-kulop nga adlaw an Papal conclave kun diin, bug-os nga Simbahang Katolika, nakatutok ha magigin resulta kun hino an bag-o nga matutudlok nga sumurunod ni Pope Francis.
Sumala kan Archdiocese of Palo, Social Media Coordinator, Fr. Chris Arthur Militante, tagmo 15 ka-adlaw mahuman nga mamatay an Santo Papa.
Dugang pa hine, nagkikinahanglan hin 2/3 nga botos an usa nga masunod nga Santo Papa, ugsa ine maideklara.
Ha pagkayana mayda 133 nga mga cardinals an nagdudumara hin election, ngan kinahangalan maka-kuha hin 89 nga botos iton usa nga cardinals gud nga kilal-on hiya kumo bag-o nga Santo Papa.
Ginmalatumat naman hine, nga ha bug-os nga kalibutan mayda 252 nga mga cardinals, kun diin an gintugutan la nga makabotos adton waray pa umabot an edad ha 80-anyos.
Mababaruan ada ha 135 an kabug-usan nga mga cardinals nga pagpipilian, pero matungod ha problema panlawas waray maka-atinder an 2 nga cardinals ha Papal conclave.
