TACLOBAN CITY – Gin aaghat han Simbahan Katoliko an publiko nga bumalik na pagsimba ha pisikal nga simbahan mahitungod ginpahuruhukalan naman an restriction han COVID-19.
Sumala kan Fr. Chris Arthur Militante, Social Media Coordinator han Archidiocese of Palo, nagpagawas hin Circular Letter an Catholic Bishop Conference of the Philippines pinaagi han Presidente hine nga hi Bishop Pablo Virgilio David kun diin gin aaghat hine ngatanan nga mga tumutoo han simbahan ha nasud nga bumalik ha pagsimba ha pisikal nga simbahan.
Manunumduman nga dida han nakalabay nga duha katuig in nagin limitado an nagin mga buruhaton han simbahan mahitungod han pandemya kun diin an an pira nga mga misa in ginbubuhat pinaagi ha online mass.
Ha pagkayana in hinay-hinay na nga nabalik ha normal an operasyon hiton Simbahan Katoliko kun diin an anay nga pagkarawat han ostias pinaagi ha kamot in gintutugot na an pagkarawat utro pinaagi an baba pero gin aaghat la gihapon an mga katawhan nga igpadayun an pagkarawat hine pinaagi han kamot para na gihapon han pagsunod han mga ginpapatuman nga health protocols.
