TACLOBAN CITY – Nagdumara hin Silent Protest Candle Lighting an mga istudyante ha gawas han Leyte Normal University kumo pag-kondena ha hayag nga korapsyon han gobyerno may paghisumpay ha flood control projects han Department of Public Works and Highways (DPWH) sugadman an hamubo nga pondo han gobyerno para ha edukasyon para ha masunod nga tuig.
Gin atenderan naman an nasabi nga protesta han mga istudyante tikang ha magkaduru-dilain nga programs han institusyon.
Sumala kan Kabataan Party-list Eastern Visayas Coordinator, Kevin Maestre, an nasabi pitad in panawagan hin kadugangan nga pondo han gobyerno ha edukasyon, sugadman in igpakita ha gobyerno an pagkadismaya ngan kasinahon han mga istudyante ha korapsyon ngan gutiay nga pondo nga gin alutaga han presente nga administrasyon ha mga states, universites, and colleges (SUCs).
Ginduon pa hine nga mahitungod han kulang nga pondo para ha edukasyon in damo nga mga pasilidad ha mga iskuylahan an dire pa nahuhuman ngan naaayad.
Samtang, ha lain nga bahin, ginpanawagan naman han mga istudyante an halarom nga imbestigasyon ha mga korap nga opisyal han gobyerno, dire la ha DPWH, kundi ha ngatanan nga ahensya ngan buhatan nga klarado an korapsyon.
Gintagan-duon pa ni Maestre nga an pondo han gobyerno in kinahanglan ha edukasyon, dire ha pasismo ngan korapsyon. (via Bombo Niña Magpili)
