TACLOBAN CITY – Usa nga shooting incident an nahipatik ha Brgy. Tigbawan, Maasin City, Southern Leyte.
Ginkilala an mga suspek kanda Claudio Cortel alyas “Blackjack”, 31-anyos an pangidaron, ngan Renan Padilla, 24-anyos an pangidaron, parehas residente han Sition Tubli, Brgy. Tigbawan, Maasin City Southern Leyte. Samtang, an biktima in ginkilala naman kan Michael Dizon, 42-anyos an pangidaron, ngan residente gihapon han mao nga barangay.
Sumala kan PLt.Col. Vicente Bullecer Jr., Chief of Police han Maasin City, maiha na nga personal nga delito an nahikikit-an nga rason han pamusil han suspek ha biktima rason han kamatayon hine.
Basar han inisyal nga imbestigasyon, may-ada na gidaan nga away an biktima ngan suspek mahitungod han pag taga-videoke. Ugsa daw nga bumalik an biktima ha Manila in nagyakan ine nga kukuhaon niya hi Blackjack, buot ipasabot nga papatayon anay niya ine. Waray na daw makompyansa an suspek sanglit gin unahan nala hine an biktima.
Boluntaryo naman nga nagsurender hi Claudio Mortel ha mga kapulisan kun diin kaupod gihap hine nga ginsurende an pusil nag calibre-45 nga gingamit hine pagpusil han biktima.
Samtang, padayon naman an gindudumara nga hot pursuit operation han mga otoridad agud madakop an kaupod hine nga suspek nga Renan Padilla.
