NATIONAL – Gindayaw ni Senior Deputy Speaker ngan Pampanga 3rd District Rep. Aurelio “Dong” Gonzales Jr. hi Pangulong Ferdinand “Bongbong” Marcos Jr. ha timprano nga pagpapasa ha Kamara de Representantes han panukala nga budget para ha 2025.
Subay ha Konstitusyon, mayda 30 kaadlaw an Presidente tikang ha pag-aabri han regular session han Kongreso para igpasa an panukala nga budget para ha masunod nga tuig.
Ginmalatumat ni Gonzalez nga an pagpapatuman han national budget para ha 2025 in magigin usa nga ayat para ha pagpapatuman han bag-o nga iginpasa nga New Government Procurement Act.
Dugang pa hine, an panukala nga budget para ha 2025 an syahan nga budget nga sakop han bag-o nga procurement law.
Hira Speaker Ferdinand G. Martin Romualdez at Gonzales an mga pangunahon nga author han balaod o Republic Act No. 12009.
Syahan nga na gihapon nga gindayaw ni Speaker Romualdez an pagpirma hi Presidente Marcos Jr. ha New Government Procurement Act.
