-- Advertisements --
TACLOBAN CITY- Maabot 6,690 nga mga Senior Citizens an mga nagpaka-karawat han ira social pension.
Sumala kan Chona Bahin, Head hitun CSWD han Tacloban City, P3,000 an nakarawat han kada senior citizens tikang ha mga Brgys. 83, 85, 86, 87, 88, 89, 90, 84, 83-B, 83-C, 79, 81, 82 ngan 83-A.
Samtang nakatalaan naman mahuman ini nga 5 ka-adlaw nga aktibidades yana nga November 7, 2022.
Dugang pa han mao nga opisyal, nga ha masunod nga tuig 2023 in ginlalauman nga matagan na an ngatanan nga senior citizens sugadman mahilakip na an mga bag-o nga namag-aplay.
