-- Advertisements --
TACLOBAN CITY – Patay an usa nga senior citizen mahuman nga magbigti ha sakob han ira panimalay ha Barangay 39, Calvary Hill, siyudad han Tacloban.
Ginkilala an biktima kan Alfredo Salud Jr., 62 anyos an pangidaron, waray asawa ngan residente han mao nga lugar.
Sumala kan PMaj. Daniel Polo, station commander han Abucay Police Station 2, nga nadiskubrehan nala han bugto han biktima nga ini in nakabitay na ngan waray na kinabuhi ha sakob han ira panimalay.
Nahibaruan nga presente nga naagi hin depresyon an mao nga senior citizen ngan pira ka adlaw na nga pirmi masulub-on ngan nagpriprinobema.
Ginklaro naman han mao nga opisyal nga waray nakikita nga foul play ha mao nga panhitabo.
