TACLOBAN CITY – Patay an usa nga senior citizen mahuman an nahipatik nga sunog ha Brgy. San Gabriel, Borongan City.
Gin kilala naman an biktima kan Josefina Arre, 71-anyos an pangidaron, tag-iya han balay, ngan residente han mao nga barangay.
Sumala kan FO3 Franklin Marzon, Fire Investigator han Borongan City Fire Station, usa nga Persons with disability (PWD)an biktima.
Basar han inisyal nga imbestigasyon han mga otoridad, mayda daw lampara han biktima kun diin ginhuwad hine an sulod nga petrolyo nga gin suritan rason para magkawsa ine hin sunog.
Gindeklara naman an fire out pasado ala-1:40 han maagahon, samtang maabot naman ha P50,000 an danyos han ginbayaan han sunog.
Mababaruan nga madagmit nga naugbaw an mao nga panimalay matungod nga himo ine ha mga light materials.
