TACLOBAN CITY – Usa nga senior citizen an patay mahuman nga matudol hin panel truck ha may Brgy. 94, Tigbao, Tacloban City, kakulopd nga adlaw, Oktubre 3.
Ginkilala an biktima kan alyas Eli, 89-anyos, ngan residente han nasabi nga lugar, samtang an suspek naman in ginkilala kan alyas Sam.
Sumala kan Tacloban City Police Station 2 Station Commander, PMaj. Shenna Layog, nag-overtake an panel truck samtang natabok an lagas rason han katudol hine.
Subay han imbestigasyon, tiuli na haira balay an biktima kun diin dida han natabok ine in sakto naman nga nag-overtake an panel truck ngan dida han tibalik na ine ha iya linya in natudol hine an biktima.
Nahipailarom naman an biktima ha panel truck rason han dayun nga kamatayon hine.
Gindara pa ha hospital an biktima pero gindeklara ine nga dead-on-arrival.
Ha pagkayana in ada ha kustodiya han kapulisan an suspek para han kaangayan ngan disposasyon ngan dokumentasyon.
