TACLOBAN CITY – Waray na kinabuhi han matad-an an usa nga senior citizen ha Brgy. Sta. Margarita, Hilongos, Leyte.
Ginkilala an biktima kan Basillo Sarko, 78-anyos an pangidaron ngan residente han nasabi nga lugar.
Sumala kan PSMSG. Guillermo Lora Jr. Duty Investigator han Hilongos Municipal Police Station, subay ha ira gindumara nga imbestigasyon nga nakit-an an biktima han usa nga concerned citizen samtang ine in nagbabalhin hin karabaw.
Han panginanuon han concerned citizen, ginhikalasan hiya han makit-an an mao nga patay nga lawas han biktima ngan dayon naman ine nga umaro hin tabang ha iya mga amyaw.
Nahibaruan gihapon nga mayda mga samad ha magkadirudilain nga parte han iya lawas an biktima nga gintutuuhan nga hinungdan han iya kamatayon.
Ha pagkayana in mayda na natudlok nga person of interest an mga kapulisan ha mao nga insidente ngan padayon gihapon an ira gindudumara nga imbestigasyon.
