NATIONAL – Natuo an usa ha Senator-judges ha impeachment case kontra kan Vice President Sara Duterte nga posible trap la para igwurok ha tinuod nga isyu ha Bise Presidente in kaso nga kwestyunon ha Korte Suprema an desisyon han impeachment court nga pagbalik han complaint ha Kamara de Representantes.
Pag eksplikar ni Senator Aquilino “Koko” Pimentel, ha oras nga maipasaka na an legal cases ha korte, mawawara na an pokus ha main issue ngan mas maiha kun court cases na.
Sanglit kun mapapansin daw han mga abogado, magin an mga naghimo han balaod nga balabag ha nagin desisyon han Senate impeachment court in dire magsasalawad hin kaso ha korte mahitungod nga posible nga trap ine.
Dugang pa han Senador, bisan paman kun mayda basaranan an pagkwestyon ha desisyon han impeachment court, dire daw ine niya igrerekomenda.
Manunumduman nga usa hi Sen. Pimentel ha lima nga Senator-judges nga bumalabag nga igbalik an impeachment complaint ha Kamara samtang, pbaor naman an 18 nga iba pa nga senador.
