Nakatalaan mag-isyu hin pre-trial order an Senate impeachment court ha impeachment case kontra kan Vice President Sara Duterte ha Lunes, Hunyo 29.
Sumala kan Senate Impeachment Court Clerk Renato Bantug Jr., gintitikangan na nira an draft han pre-trial order ngan mayda na gihapon ginpagawas nga advisory memorandum hi Senate President Sherwin Gatchalian ha mga senador kasumpay han issuance han pre-trial order ha masunod nga semana.
Ginpahayag gihapon ni Bantug nga ta-trabahuon ini han staff han impeachment court kutob ha weekend agud maipagawas na an pre-trial order ha Lunes.
An pre-trial order an magseserbi nga giya o ‘roadmap’ para ha impeachment trial ni VP Sara kun diin ginkokonsidera an posisyon han parehas House prosecution panel ngan han defense team pag-abot ha facts, testigos, ngan mga petsa han pagdungog may paghisumpay ha kaso.
Syahan nga tatagan hin mga kopya han dokumento an magkaluyo nga partido kutob ha Myerkules, Hulyo 1 agud mag-siyu hin kada-iya komento.
Ginsigurado ni Bantug nga kaya mahuman an ngatanan ugsa pa man magtikang an impeachment trial kontra kan VP Sara ha Hulyo 6.
