Iginpasa na han Senate Blue Ribbon Committee ha Office of the Ombudsman an imbestigasyon ha mga gin aalegar anomaliya ha flood control projects.
Panuyo hini nga mapalaksi an imbestigasyon ngan malikayan an pagdoble han mga ginbubuhat nga proseso.
Sumala kan Blue Ribbon Committee Chairman Senator Erwin Tulfo, napag-istoryahan nira ni Senate President Sherwin Gatchalian ngan Ombudsman Jesus Crispin Remulla nga an Ombudsman nala an mangunguna ha mga istoryahon may paghisumpay ha flood control projects.
Nagharampang an tulo dida han Biyernes ha buhatan han Ombudsman ha Quezon City.
Gin malatumat ni Tulfo nga nagtikang na gihapon gamiton han Ombudsman an mga dokumento nga iginpasa ha Independent Commission for Infrastructure.
Kaupod ha mga gin iimbestigahan an pira nga kongresista, contractors, government officials, pira nga senador, ngan iba pa nga higtaas nga opisyal han gobyerno.
Sumala kan Tulfo, padayon na nga naabante an imbestigasyon han Ombudsman.
Mahitungod hini, ginmalatumat niya nga dire na kinahanglan mangialam pa han Blue Ribbon Committee ha parehas nga istoryahon agud dire madelatar o maapekataran an proseso han imbestigasyon.
