Mahugot nga ginkondena ni Sen. Erwin Tulfo an mga dagko nga social media companies sugad han Meta han Facebook ngan Instagram, YouTube, X ngan TikTok mahitungod ha pagtutugot nga ma-post ha mga nasabi nga platform an mga content han mga insidente han school shooting ha mga eskuylahan ha Zamboanga City ngan Tacloban City.
Ginduon ni Sen. Erwin Tulfo nga ini nga mga social media in may community standards pero ginkakadismaya han senador kun kay-ano padayon la gihapon nga nakakalusot ngan nagsasarang an mga sugad nga materyal.
Ginduon ni Tulfo nga an krimen in dire pan-entertainment, an pagkukuri han biktima in dire content ngan an nawong han usa nga bata nga biktima o suspek in dire dapat magin viral material.
Ginpunto ni Tulfo nga may responsibilidad ngan kapas an mga social media companies nga pugngan an pagsarang han graphic content labi na ha mga isyu may paghisumpay ha mga insidente nga naagi pa ha proseso han hukmanan.
