NATIONAL – Gin-ngaranan ni Senator Raffy Tulfo hi Department of Public Works and Highways MIMAROPA Regional Director Engr. Gerald Pacanan nga nakabenepisyo ha pondo han flood control project ha Region 4B.
Ha pagdungog han Senate Blue Ribbon Committee, gintudlok ni Sen. Raffy nga may kumpanya hi Pacanan nga dabi ha maanomalya nga flood control projects.
An kumpanya ni Pacanan an nangongontrata ha mga proyekto kun diin 28 percent han nakuha nga kantidad han proyekto in ginhahatag hini ha proponent ngan an nabibilin in ighahatag ha mga kaparyente nga contractors.
Ginmalatumat gihapon han senador nga nakahalin hi Pacanan hin 18% dinhi samtang 30% naman an ginhahalin han mga contractors.
Maabot hin 86.5 percent an mga kaltas ngan kickbacks nga makukuha samtang 13.5% na la an kantidad nga mangangadto ha mga proyekto.
Duon pa han senador nga bisan dire pa human an mao nga proyekto, 40 percent han kickback in ginhahatag dayon ha proponent ngan ha mga contractors ngan nabuhat nira ini ha pamamaagi han paghimo han usa nga dake accomplishment report nga ira gihapon gindoktor.
Gintutudlok gihapon ni Sen. Raffy an usa nga Ryan Altea nga nagpakilala kan Pacanan ha usa nga proponent sanglit well-connecred ini ha mga opisyal han gobyerno ngan ha luyo han mga korpasyon in napormote pa ini ngan nagin director han main office.
