NATIONAL – Nanawagan hi Senate President Francis Escudero ha National Bureau of Investigation (NBI) nga targeton gihapon an vloggers ngan trolls nga nanguguba ngan nagsasarang hin fake news kontra ha mga kalaban nga partido o oposisyon ha gobyerno.
Kasunod na gihapon ine han paghahabol han NBI ha mga indibidwal o grupo nga nagpapasarang hin sayop nga impormasyon kontra ha gobyerno.
Sumala kan Escudero, sugadman posible nga magdumara hin motu proprio rito an NBI pero kaurugan in nabase la gihapon an mga ine ha mga nagrereklamo.
Ginmalatumat pa hine nga in kaso man mayda magreklamo ha kaluyo nga partido o oposisyon han pagpapasarang han fake news kontra ha ira in kinahanglan nga magin paras an NBI ngan imbestigaran gihapon ine.
Ha kaluyo nga bahin, natapod naman hi Escudero ha kapas ngan dig-on ni BI Director Jaime Santiago nga nagtikang ha pagigin pulis, nagin huwes, ngan yana in direktor han NBI nga maaram han limitasyon han prior restraint.
