Dire ginbabaliwaray ni Senate President Pro-Tempore Ping Lacson an posibilidad nga dire mag-convene an Senado kumo impeachment court para ha trial ni Vice President Sara Duterte.
Ini in kun may mga mambabalaud nga makontra ha pagco-convene han impeachment court ngan mapirde ha botosay.
Sumala kan Lacson, nga bisan man dire pa ini natatabo, in kinahanglan nira pag-andaman ha oras nga makalusot ha Kamara an mga articles of impeachment kontra ha bise.
Gintagan-duon han senador, basar ha konstitusyon ngan para ha iya, kinahanglan nga otomatiko hira mag-convene kumo impeachment court mahitungod nga “forthwith” o dayon an mando ha ira han Konstitusyon.
Kun may kumontra, in magbobotosay an mga senador ngan kun magdaog an mga nabaribad ha pag-convene, kinahanglan sundon an desisyon mahitungod nga collegial body an senado.
Samtang, kun mayorya an bumotos nga dire mag-convene an impeachment court, puydi naman i-petisyon ini ha Korte Suprema ngan magdedesisyon an korte kun kinahanglan mag-convene o dire.
