NATIONAL – Natuo hi Senate President Tito Sotto III nga posible nga may mas hataas pa nga grupo kaysa ha Bulacan Group of Contractors o BGC Boys nga aada ha likod han maanomalya nga flood control projects.
Dire kumbinsido hi Sotto an padayon nga pagbaribad ni anay Bulacan District Engineer Henry Alcantara nga may kalabutan ini ha ghost flood control projects.
Natuo gihapon an senador nga tanan han mga miyembro han BGC boys in mayda baratunon ha korapsyon ha proyekto ha Department of Public Works and Highways.
Samtang, ginmalatumat ni Sotto nga nakaistorya na ni Justice Sec. Jesus Crispin Remulla an mag-asawa nga kontraktor nga hira Pacifico Discaya ngan Sarah Discaya para ha ginhahangyo nga maisulod ha witness protection program.
Duon han senador nga dapat ighatag anay han mag-asawa nga kontraktor an impormasyon ugsa aprubaran han Department of Justice an hangyo nga maisulod hira ha WPP.
